Aeroport yolunda ölüm saçan “avtoşlar”: Hər ikisini həbs gözləyir - VİDEO

Bakıda yarışa çıxan avtoxuliqanlar təhlükə saçıblar. Avtosfer.az xəbər verir ki, hadisə fevralın 13-də, paytaxtın hava limanı isiqamətində (Ekspo Mərkəzin qarşısında) baş verib. Belə ki, “BMW” və “Dodge” markalı avtomobillərin sürücüləri yüksək sürətlə yarışıblar. “BMW”-nin sürücüsü qarşıdakı avtomobillə toqquşacağını görən anda qəfildən sol zolağa manevr edib. Bu zaman avtomobil sürüşərək hərəkət iştirakçılarını təhlükə altında qoyub.

İnzibati Xətalar Məcəlləsinin 511.1.1-ci maddəsinə görə, aşkar surətdə iki və ya daha artıq mexaniki nəqliyyat vasitəsinin iştirakı ilə sürət yarışının həyata keçirilməsinə görə - nəqliyyat vasitəsini idarə etmək hüququ bir il müddətinə məhdudlaşdırılmaqla beş yüz manatdan yeddi yüz əlli manatadək məbləğdə cərimə edilir və ya nəqliyyat vasitəsini idarə etmək hüququ bir il müddətinə məhdudlaşdırılmaqla işin hallarına görə, pozuntunu törədənin şəxsiyyəti nəzərə alınmaqla, on beş gündən bir ayadək müddətə inzibati həbs nəzərdə tutulub.

Könül