Ağsuda qabağı olmayan “Lada” ilə təhlükə saçan sürücü saxlanıldı - 77-YT-504 - VİDEO

DİN-in Mətbuat Xidmətinin regional qrupundan Avtosfer.az-a bildirilib ki, polis əməkdaşları tərəfindən sürücü müəyyən olunaraq barəsində İnzibati Xətalar Məcəlləsinin müvafiq maddələri ilə protokol tərtib edilib.

***

Ağsu rayonu ərazisində yol-hərəkəti qaydalarını pozan sürücü videolarını sosial şəbəkə hesabında paylaşıb.

Avtosfer.az-ın məlumatına görə, 77-YT-504 dövlət nömrə nişanlı “Lada Granta” markalı avtomobilin sürücüsü “şou” göstərmək məqsədilə bütöv xəttin tələbini pozaraq əks istiqamətli yola çıxıb.

Digər kadrda isə onun maşını nasaz vəziyyətdə - işıq cihazlarından biri olmadan və dövlət nömrə nişanlarını
çıxararaq idarə etdiyi görünür.

Eyni zamanda sürücünün avtomobilin konstruksiyasına müdaxilə etdiyi də kadrda aydın şəkildə əks olunub. 

Nərmin