ASAN Xidmətin yanında sürücülərin görmədiyi yol nişanı - Cərimə oluna bilərsiniz - VİDEO

Yəqin Yasamaldakı ASAN Xidmət mərkərinin yanından çoxları Bakı dairəvi yolu istiqamətinə gedərkən çətinliklə üzləşib. Nəqliyyat vasitələrinin betün istiqamətlərə məhdudiyyətsiz dönməsi pik saatlarında ciddi xaosla nəticələnirdi. 

Nəhayət, ayın əvvəlindən DYP hərəkətin təşkilini dəyişdi. İndi sosial evlər tərəfdən (Dairəvi yoldan) gələnlər yalnız düz və sağa hərəkət edə bilər. Lakin sürücülərin çoxu yol nişanına fikir verməyərək hələ də sola dönür. Doğrudur, bu hərəkət 10 gün əvvəlki kimi kütləvi olmasa da, gün ərzində çox sayda sürücü bu xətaya yol verir. Müşahidə apardığımız 5 dəqiqə ərzində azı 4 maşının qayda pozduğuna şahidlik etdik. Yəqin nəzarət kameraları da işləyir. 

PS. Obyektivlik naminə deyək ki, nişan kifayət qədər böyük ölçüdədir və aytın şəkildə qurulub. Nişana fikir verməyərək cərimələnmək isə sırf sürücünün problemidir.