Avtomobili parkinqdə saxlayanlar da cərimə oluna bilər - SƏBƏBLƏR

Fevral ayının 1-dən dayanma-durma qaydaların pozulmasına görə kameralar vasitəsilə cərimələrin yenidən bərpa olunub. Yəni, icazə verilməmiş yerlərdə avtomobili park edənlər cərimə olunacaq. Bəs avtomobili parkinqdə saxlayan sürücülər cərimə oluna bilərmi?

İnzibati Xətalar Məcəlləsinin Maddə 346-1-ci maddəsi parklanma qaydalarının pozulmasından bəhs edir. Yəni sürücülər avtomobili parkinqdə saxxlasa belə bu qaydalara riayət etməsələr cərimə olyna bilərlər. Belə ki, nəqliyyat vasitəsinin 24 saatdan artıq parklanma yerində saxlanılmasına görə iyirmi manat, nəqliyyat vasitəsinin qanunla müəyyən edilmiş parklanma üsulunu (paralel və perpendikulyar) pozmaqla parklanmasına görə on manat, həmçinin parklanma yerlərində icazə verilmiş maksimum kütləsi 3,5 tondan çox olan yük avtomobillərinin parklanmasına, habelə parklanma yerlərinin rezervasiya edilməsi və ya digər üsullarla nəqliyyat vasitələrinin sərbəst parklanmasına maneələr yaradılmasına görə  sürücülər on manat məbləğində cərimə edilir.

Orxan