Ayaqlarını “Prius”un pəncərəsindən çıxaran sərnişin - DYP-dən AÇIQLAMA - VİDEO

Magistral yolda qayda pozan sərnişin anbaan kameraya düşüb. 
Avtosfer.az-ın məlumatına görə, hadisə səhər saatlarında Buzovna yolunda qeydə alınıb. Hərəkətdə olan 77-BA-753 dövlət nömrə nişanlı “Toyota Prius” markalı avtomobildəki sərnişin ayaqlarını maşının pəncərəsindən çölə çıxarıb. Belə ki, ön oturacaqda əyləşən xanım sərnişin digər hərəkət iştirakçılarının diqqətini cəlb edib. 
Qeyd edək ki, bu halda avtomobildə oturmaq təhlükəlidir və sürücü və sərnişin inzibati məsuliyyətə cəlb oluna bilər.
Bakı şəhər Dövlət Yol Polisi İdarəsinin polis baş leytenantı Rüstəm Əhmədli hadisəylə bağlı Avtosfer.az-ın sorğusunu cavablayıb. O bildirib ki, faktla bağlı araşdırma aparılır və barələrində qanunamüvafiq tədbir görüləcək. 

Nərmin