Bakıda "ara işləyən" sürücü qorxuya düşdü: Ana ilə balanı öldürəcəkdi - VİDEO

Bakıda avtoxuliqanlıq edən sürücü təhlükə ilə üzləşib. Avtosfer.az xəbər verir ki, hadisə paytaxtın Vaqif prospektində baş verib. Avtomobillərin arası ilə hərəkət edən sürücünün qarşısına çıxan piyada ona qorxulu anlar yaşadıb. O, manevr qaydasını pozaraq sol zolağa yerdəyişmə edərkən qucağında azyaşlı olan qadın onun qarşısına çıxıb. Sürücü qəfil tomoz verib trayektoriyanı dəyişərək faciəvi qəzadan son anda yayınıb.
Qeyd edək ki, bu situasiyada piyadanın da kobud səhvi var. Bir neçə metr qarşıda piyada keçidinin olmasına baxmayaraq, o, həm öz həyatını, həm də qucağındakı azyaşlının həyatını risk altında qoyub.


Leyla