Bakıda "avtoşluq" edən avtobus sürücüsü yarışa çıxıb təhlükə yaratdı - VİDEO

Bakıda qaydaları kobud şəkildə pozan avtobus sürücüsünün videosu kameraya düşüb. Avtosfer.az xəbər verir ki, hadisə oktyabrın 6-da, paytaxtın Bakıxanov qəsəbəsi Bəşir Bünyadov küçəsində baş verib. Belə ki, 209 saylı xətt üzrə fəaliyyət göstərən 99-JR-929 qeydiyyat nişanlı avtobusun sürücüsü qoşa xəttin tələbini dəfələrlə pozaraq əks yola çıxıb. Bu zaman həm qarşıdan gələn, həm də sağ zolaqda olan sürücülərə təhlükə yaradıb. Avtobus sürücüsü qarşısında hərəkət edən "Opel" markalı avtomobillə yarışa çıxmaq üçün bu hərəkəti edib.

O, ötə bilmədiyini görən anda sağa manevr edib. Bu zaman görüntünü qeydə alan sürücüyə qəza şəraiti yaradıb. Soldan ötə bilmədiyini görən sürücü sonradan "Opel" markalı avtomobili sağdan ötməyə başlayıb.

Sözügedən videonu təqdim edirik:

Könül