Bakıda bahalı nömrəli maşınla qayda pozan sürücü CƏRİMƏLƏNDİ - VİDEO

Bakı şəhər Dövlət Yol Polisi İdarəsinin bölmə rəisi, polis polkovniki Vaqif Əsədov Avtosfer.az-a açıqlamasında bildirib ki, Bakıda qaydaları pozan sürücünün şəxsiyyəti müəyyən edilərək idarəyə dəvət olunub. Törətdiyi xətaya uyğun olaraq sürücü Rzayev Vüqar Nizami oğlu barəsində İnzibati Xətalar Məcəlləsinin 327.2-ci maddəsi ilə 3 bal 60 manat cərimə tətbiq edilib.

Xatırladaq ki, Bakıda bahalı maşınla qayda pozan sürücünün videosunu oxuculardan biri qeydə alaraq redaksiyamızın qaynar xəttinə göndərib. Avtosfer.az xəbər verir ki, 10-LR-100 qeydiyyat nişanlı "Mercedes" markalı avtomobilin sürücüsü paytaxtın Bakıxanov prospektində qoşa xəttin tələbini pozaraq əks zolağa çıxıb. 

Sürücü etdiyi bu hərəkətlə yalnız bir maşın qarşıya düşə bilib. Lakin bunun hansı dərəcədə təhlükəli olduğunu və nə ilə nəticələnəcəyini öncədən düşünməyib.

Təbriz