Bakıda "Priora" sürücüsü piyadanı və digər sürücüləri ölümlə üz-üzə qoydu - VİDEO

Gecə saatlarında paytaxtın Babək prospektində ölüm təhlükəsi yaradan sürücünün qayda pozunutsu kameraya düşüb. Avtosfer.az bildirir ki, 38-BE-495 nömrə nişanlı “Lada Priora” markalı avtomobilin sürücüsü sağdan ötmə edərək qəza şəraiti yaradıb. Yolun kənarında dayanıb avtomobilini təmizləyən bir nəfər gecə qaranlığında bir anda qarşısına çıxan maşının onu vurmasından qorxub ayağa qalxaraq qəzadan yayına bilib. “Lada” markalı avtomobilin sürücüsü sağdan ötmə etdiyi maşınla yanaşı, eyni yola daxil olmağa çalışan bir digər sürücü üçün də qəza təhlükəsi yaradıb. Qayda pozan sürücünün bu təhlükəli manevrləri qarşısına çıxdığı avtomobilin registratoruna düşüb. Sürücü yolda hər kəsi təhlükəyə atan bu avtoxuliqanın əməlini lentə alaraq redaksiyamıza ünvanlayıb  və belələrinin ictimailəşməsini istəyib. 

Aysel