Bakıda motosikletə 2 dəfə qəza şəraiti yaradan sürücü cərimələndi - VİDEO

Bakıda güzgüdən istifadə etməyib təhlükə yaradan sürücü məsuliyyətə cəlb edildi. Avtosfer.az xəbər verir ki, paytaxtın Ziya Bünyadov prospektində hərəkət edən 77-BG-067 qeydiyyat nişanlı “Hyundai” markalı avtomobilin sürücüsü güzgüyə baxmadan sol zolağa manevr edən zaman motosiklet sürücüsünə təhlükə yaradıb. Etdiyi səhv hərəkətdən sonra üzrxahlıq etmək əvəzinə ikinci dəfə yenidən gələrək qəsdən sıxışdırmağa başlayıb.

Bakı şəhər Dövlət Yol Polisi İdarəsindən Avtosfer.az-a verilən məlumata görə, görüntülərə baxış keçirildikdən sonra sürücünün kimliyi müəyyən edilib. Məlum olub ki, xətanı 1982-ci il təvəllüdlü Həsənov Zamin Mikayıl oğlu törədib.

Onun barəsində İnzibati Xətalar Məcəlləsinin 327.1-ci maddəsi ilə 40 manat məbləğində cərimə qərarı verilib.

Fərid