Bakıda qayda pozan sürücü nömrənin üzərini bağlayıb kameralardan yayınır - VİDEO

Bakı küçələrində hərəkət edən sürücü öz qayda pozuntularının videogörüntüsünü sosial şəbəkədə paylaşıb. Avtosfer.az xəbər verir ki, sürücü idarə etdiyi 99-VT-014 qeydiyyat nişanlı "Nissan" markalı avtomobillə dayanma durma qaydasını pozan zaman məsuliyyətdən yayınmağa çalışıb. Belə ki, o, arxa qeydiyyat nişanının üzərini bağlayaraq kameralardan yayınıb.

Qeyd edək ki, dayanma-durma qaydasının pozulması 20 manat olsa da, qeydiyyat nişanının üzərini örtüklə bağlamağın kifayət qədər, yəni 500 manatdan 800 manatədək cəriməsi var.

Sürücü həmçinin avtomobilin uzaq işıqlarına normativ tələbləri pozan dəyişiklik də edib. Günün qaranlıq saatlarında uzaq işıqları yandıran zaman şimşək effekti yaradaraq digər hərəkət iştirakçılarının gözünü qamaşdırıb. Videogörüntülərə baxış keçirəndə də bu fakt öz əksini tapır.

Fərid