Svetoforun qadağanedici işarəsində keçən sürücü qəza törətdi - VİDEO

Svetoforun qadağanedici işarəsində hərəkəti davam etdirən minik avtomobilinin sürücüsü qəza törədib.

DİN-in Nəqliyyatı İntellektual İdarəetmə Mərkəzindən (NİİM) Avtosfer.az-a verilən məlumata görə, yol-nəqliyyat hadisəsi bu gün Səməd Vurğun və Hənifə Ələsgərov küçələrinin kəsişməsində baş verib.

NİİM qəzanın görüntüsünü yayıb.

Mərkəzdən bildirilib ki, bu video görüntü bir daha göstərir ki, dəfələrlə xəbərdarlıq edilməsinə baxmayaraq, bəzi sürücülər “ heç nə olmaz, çatdıraram” prinsipini əsas götürüb, svetoforun qırmızı işığında keçirlər və nəticədə qəzalar qaçılmaz olur.