Bakıda "qoçuluq" edən sürücü peyda oldu: Yolu kəsdi, söyüş söydü və... - VİDEO

Bakıda qaydaları kobud şəkildə pozan sürücünün videosunu oxuculardan biri  qeydə alaraq redaksiyamızın elektron ünvanına göndərib. Avtosfer.az xəbər verir ki, hadisə fevralın 8-də, paytaxtın Heydər Əliyev prospektində (hava limanı yolunda) baş verib. Görüntünü qeydə alan sürücü bildirir ki, 70 km/saat sürət təşkil edilmiş yolda hərəkət edən zaman arxadan gələn 77-PN-276 qeydiyyat nişanlı “Opel” markalı avtomobilin sürücüsü əl hərəkətləri ilə etiraz etməyə başlayıb: “Mən öz zolağımdan kənara çıxmadan, hərəkət sürətini aşmadan şəhər istiqamətində hərəkət edirim. Bu zaman arxadan gələn sürücü mənim sağıma keçərək nəsə deməyə başladı. Sonra isə qarşıma keçərək qəfil tormoz verdi. Mən qəzaya düşməmək üçün məcburən sağa manevr etdim. Bu zaman o, yenidən sağa keçərək qarşımda ikinci dəfə tormoz verib qəza şəraiti yaratdı. Bir az qarşıda həmin sürücü ilə yenidən rastlaşan zaman şüşəni açıb mənim ünvanıma nalayiq söyüş söyməyə başladı” – deyə oxucu bildirib.

Videogörüntüdən də aydın şəkildə görünür ki, “Opel” markalı avtomobilin sürücüsü sürət həddini aşaraq avtomobillərin arası ilə ziqzaqvari hərəkət etməklə yoluna davam edib.

Könül