Bakıda taksi sürücüsü xanım sərnişini maşından düşürtdü: Mübahisə yarandı - VİDEO

Bakıda sərnişinlə taksi sürücüsü arasında mübahisə baş verib. Avtosfer.az xəbər verir ki, taksi sifariş verən xanım sərnişin avtomobilə əyləşən zaman sürücü adam sayının çox olduğunu və buna görə məsuliyyət nəzərdə tutulduğunu bildirib. Sərnişin isə 3 uşağın olduğunu və birini isə qucağında aparacağını bildirib. Sürücü isə bununla razılaşmayaraq gedişin ləğv edilməsini tələb edib.

Bəs qanun bu  haqda nə deyir? Avtomobildə neçə azyaşlı aparıla bilər?

“Yol hərəkəti haqqında” qanunun 56-cı maddəsinin IX hissəsində qeyd olunub ki, nəqliyyat vasitəsində adamların daşınması zamanı 12 yaşından kiçik uşaqlar nəzərə alınmır. Bu o deməkdir ki, arxa oturacaqda 12 yaşdan aşağı 4-5 uşağın daşınması qanunla qadağan deyil. Buna görə həmin taksi sürücüsü heç bir məsuliyyətə cəlb edilə bilməzdi.

Leyla