Bakıda vəzifəli şəxs yolu kəsdi: "1 saat 10 dəqiqə onu axtarmışam" - FOTO

Bakıda yolu kəsən avtomobilin fotosunu sürücülərdən biri qeydə alaraq redaksiyamızın qaynar xəttinə göndərib. Avtosfer.az xəbər verir ki, hadisə iyulun 12-də, paytaxtın Zaur Nudirəliyev küçəsində baş verib. Oxucunun sözlərinə görə, 90-KJ-777 qeydiyyat nişanlı “Volkswagen” markalı avtomobilin sürücüsü ikinci cərgədə park edərək yolu kəsib: “Mənim maşınımın arxasında saxladığı üçün oradan çıxa bilmədim. 1saat 10 dəqiqə maşının sahibini axtarmışam. Sonda məlum olub ki, Reabilitasiya Mərkəzinin müdirinin maşını imiş” – deyə oxucu bildirib.

Könül