Bakıda yol polisinin üzərinə "protiv" gedən sürücü saxlanıldı - VİDEO

Bakıda yol hərəkəti qaydasını pozan sürücü əks istiqamətə çıxaraq axına qarşı hərəkət edib. Avtosfer.az">Avtosfer.az xəbər verir ki, 10-DD-171 qeydiyyat nişanlı "Audi" markalı avtomobilin sürücüsü mayın 24-ü paytaxt küçələrinin biri ilə hərəkət edən zaman qoşa xəttin tələbini pozaraq əks istiqamətə çıxıb. Bu zaman qarşıdan gələn yol polisi əməkdaşlarının yolunu kəsib. Sürücünün qayda pozduğunu görən polis əməkdaşları dərhal onu saxlayaraq məsuliyyətə cəlb edib.

Bu cür qayda pozuntularını ictimailəşdirərkən sosial şəbəkə istifadəçiləri həmin sürücülərə haqq qazandıraraq "bəlkə tələsir", "bəlkə xəstəsi var" - kimi bəhanələr gətirirlər. Lakin təqdim etdiyimiz videodan da göründüyü kimi tələsmək insanı gedəcəyi ünvana tez çatdırmır. Əksinə, ya qəza ilə nəticələnir, ya da cərimə ilə.
Buradan sual yaranır:
Bu sürücü tələsməklə tez çatdı, yoxsa daha da gecikdi?

Fərid