Ömrünü başa vuran "QAZ 24" Bakı küçələrində təhlükə saçır - FOTO

Bakıda dəmir parçalarını avtomobilinin üstündə sanki səpələyərək daşıyan sürücü yolda hər kəsi təhlükəyə salıb. Avtosfer.az bildirir ki, 10-ER-467 nömrə nişanlı "QAZ 24" markalı avtomobilin sürücüsü yükdaşıma qaydalarına heç bir şəkildə əməl etməyərək qaydaları kobud şəkildə pozub.
O, eyni zamanda dəmir parçalarını təhlükəli şəkildə daşımaqla yoldakı digər sürücüləri də təşvişə salıb. Sürücü hətta baqajına da həmin dəmirlərdən tökərək ağzını bağlamadan avtomobilini idarə edib. Avtomobilin sağından-solundan, önündən-arxasında çıxan dəmirlərə görə yolda heç bir sürücü onun yaxınlığından keçməyi risk etməyib. Görünür sürücü yola düşə biləcək bir dəmir parçasının digər avtomobillərin təkərlərinə vura biləcəyi zərəri də nəzərə almayıb.
Qeyd edək ki, minik avtomobilində yalnız qanunvericiliyin tələbinə uyğun şəkildə quraşdırılan xüsusi qurğu ilə yük daşınması halına yol verilir. 

Aysel