Bakıdakı bu "parkovşiklərə" inanmayın: Cərimələr yazılır - FOTO - VİDEO

Bakıda dayanma-durma qadağan olunan küçələrdə parklanma yeri yaradan nəzarətçilər günü gündən artmaqda davam edir. Belə nəzarətçilərdən biri də Ukrayna dairəsindəki parkın qarşısındadır. Bu barədə sürücülərdən biri sosial şəbəkədə məlummat yayıb. Avtosfer.az xəbər verir ki, nəzarətçi avtomobillərin parklanmasına şərait yaradaraq yolu zəbt edir. Sürücülərə isə bildirir ki, burada kamera çəkmir. Onun səmimiyyətinə inanan sürücülər avtomobili park edir və bir neçə dəqiqədən sonra “sürprizlə” qarşılaşır. Dayanma qadağan edildiyi üçün kameralar vasitəsilə cərimələr tətbiq edilir.

Sürücülərə tövsiyə edirik ki, dayanma-durma qadağan edilən istənilən küçədə nəzarətçilərə inanmasınlar. Kamera olmayan ərazilər olsa belə, həmin yerlərdə xidmət aparan yol polisi əməkdaşları bort-kompyuter vasitəsilə cərimə tətbiq edir.

Leyla