Baş yolda olan maşının qarşısına keçib yolu kəsdi, sonra isə... - VİDEO

Bakıda qayda pozan sürücünün hərəkətləri avtomobildəki kameraya qeyd olunub. Avtosfer.az xəbər verir ki, hadisə fevralın 28-də, paytaxtın İnşaatçılar prospektində baş verib. Belə ki, 99-XJ-889 qeydiyyat nişanlı “Hyundai” markalı avtomobilin sürücüsü yolayrıcına daxil olan zaman baş yolla hərəkət edən sürücüyə yol verməyib. Qəza şəraiti yaratmağı azmış kimi, daha sonra həmin sürücünü sola sıxışdıraraq ikinci dəfə qəza şəraiti yaradıb.

Qeyd edək ki, həmin avtomobilin xarici işıq cihazları da standarta uyğun deyil. Videogörüntüdən də aydın şəkildə görünür ki, avtomobilin dönmə işığı qırmızı rəngə dəyişdirilib. İşıq cihazlarına dair standarta əsasən dönmə işıqları yalnız sarı və narıncı rəngdə olmalıdır.

Könül