Bibiheybət yolunda təhlükəli vərdiş: Sürücülər əks yola çıxaraq xaos yaradır - VİDEO

Paytaxtın Bibiheybət yolunda kütləvi qayda pozan sürücülər kameraya düşüb.

Bu barədə izləyicilərdən biri Avtosfer.az-ın “Whatsapp” ünvanına video göndərərək məlumat verib. Hadisə aprelin 13 və 14 aprel tarixlərində saat 18:28 radələrində qeydə alınıb. Kadrlardan göründüyü kimi, tıxacda dayanmaq istəməyən müxtəlif markalı avtomobillərin sürücüləri bütöv xəttin tələbini pozaraq əks istiqamətli yola çıxıblar.

Bu manevrlər nəticəsində qarşı istiqamətdən gələn nəqliyyat vasitələrinin hərəkəti çətinləşib, yolun təhlükəsizliyi pozulub.

Şikayətçinin sözlərinə görə, ərazidə eyni mənzərə demək olar ki, hər gün təkrarlanır. Sürücülərin tıxacdan yayınmaq üçün əks istiqamətə çıxması isə həm sıxlığı artırır, həm də qəza riskini yüksəldir.

Nərmin