BNA-nın etdiyi səhv sürücülərə hələ də ziyan vurur - FOTO

Bakı Nəqliyyat Agentliyinin etdiyi səhv sürücüləri çaş-baş salıb. Avtosfer.az xəbər verir ki, söhbət paytaxtın Aşıq Molla Cümə küçəsindən gedir. Oxuculardan biri ərazidən qeydə aldığı fotonu redaksiyamızın qaynar xəttinə göndərib. Belə ki, BNA avtomobillərin parklanması üçün nəzərdə tutulan yerə 1.17 nişanlanması (avtobusların dayanacağını bildirən nişanlanma) tətbiq edib. Bu isə sürücülər arasında çaşqınlıq yaradır. Həmin küçədə yerləşən Asan Xidmət mərkəzinə gələn insanlar avtomobillərini orada saxlamağa çəkinirlər. Düşünürlər ki, park etsələr cərimə oluna bilərlər. Hərəkətin təşkili məsələsinə dırnaqarası yanaşmaq doğru hesab edilmir.

Belə halların yaranmaması üçün öncə parklanma yerini bildirən nişanlanma xəttləri silinməli, daha sonra avtobus dayanacağını bildirən nişanlanma xətti tətbiq edilməli idi.

Fərid