Bu işıqları yandıran sürücüləri 150 manat cərimə gözləyir

Bəzi sürücülər avtomobilin işıq cihazlarına dəyişiklik edərək normativ tələbləri pozurlar. İstehsalçı zavod maşının üzərindəki hər bir işıq cihazını təyinatına uyğun olaraq quraşdırır. Məsələn dönmə işıqları manevr zamanı, duman işıqları məhdudiyyətli görnümə şəraiti zamanı istifadə edilə bilər. Lakin sürücülər dönmə işıqlarını daimi olaraq yanılı rejimə keçirərək “amerikanka” işıqları kimi istifadə edirlər. Bəzi sürücülər isə arxa duman işıqlarını stop işıqlarına birləşdirirlər. Tormoz verən zaman həm stop işıqları, həm də duman işıqları yanır. Bu isə qanunla qadağan hesab edilir.

Qeyd edək ki, işıq cihazlarına bu cür müdaxilələr normativ tələblərin pozulması kimi qiymətləndirilir. Bu cür müdaxilələr edən sürücülər İnzibati Xətalar Məcəlləsinin 342.2.2-ci maddəsi ilə 150 manat məbləğində cərimə oluna bilərlər.

Leyla