Bu küçədə bir neçə sürücünün səhvi hərəkəti dəqiqələrlə kilidlədi - VİDEO

Paytaxtın Fərman Salmanov küçəsində kütləvi şəkildə qayda pozan sürücülər süni tıxac yaradıblar. Bununla bağlı izləyicilərdən biri  Avtosfer.az-ın “Instagram” səhifəsinə videomaterial göndərib.

Kadrlardan görünür ki, orta və ən sağ zolaqlarda hərəkət edən bəzi sürücülər, həmin zolaqlarda düzünə hərəkətə icazə verilməsinə baxmayaraq, geriyə dönmək məqsədilə qəfil şəkildə sol zolağa manevr edirlər. Nəticədə sol zolaqda hərəkətdə olan sürücülərə əngəl törədilir və yolun buraxıcılıq qabiliyyəti ciddi şəkildə azalıb.
Şikayətçi bildirib ki, digər tərəfdən sol zolaqdakı sürücülər həmin avtomobillərə yol verdiyi üçün tıxacın şiddətləndənməsinə səbəb olublar. 

Bu cür məsuliyyətsiz davranışlar həm digər sürücülər üçün çətinlik yaradır, həm də nəqliyyat axınının pozulmasına və tıxacların formalaşmasına səbəb olur. Qeyd edək ki, yol hərəkəti qaydalarına əsasən, sürücülər manevr edərkən digər nəqliyyat vasitələrinə mane olmamalı və zolaqlar üzrə hərəkət tələblərinə əməl etməlidirlər.

Nərmin