Bu küçədə piyadalar özünü təhlükəyə atır: həlli yolları nədir? - FOTO

Azadlıq prospektinin 28 may metrostansiyası yaxınlığından keçən hissəsində piyadalar özünü təhlükəyə atır. Avtosfer.az xəbər verir ki, ərazidə svetaforla tənzimlənən piyada keçidi olsa da insanlar yolu 200 metr aşağıdan keçməyə davam edir. Bu isə təhlükəli vəziyyət yaradır.

“28 mall”ın qarşısında svetofor və piyada keçidi olduğu üçün avtomobillər dayanır və ani olaraq yol boşalır. Piyadalar da bundan istifadə edib yolu keçirlər. Amma bu vərdiş halını aldıqdan sonra avtomobillər olan zaman da yolu keçməyə davam olunacaq bu isə təhlükəli vəziyyət yaradır.

Problemin həlli isə iki formada ola bilər. Bir neçə il əvvəl ərazidə yol polisi əməkdaşları xidmət aparır və yolu təyin olunmamış yerdən keçən piyadaları cərimə edirdi. Bu müddət ərzində əraidə nizam-intizam bərpa olunmuşdu. Sonradan isə bu davamlı olmadığı üçün sanki unduldu.

Eyni zamanda şəhər daxilində piyada keçidlərinin 150 metr məsafədə qoyulmasına qanunvericilik icazə verdiyini nəzarə alsaq işıqfor və piyada keçidi qoyuma bilər. Bu həm də Azadlıq prospekti ilə kəsişən küçələrdə avtomobil yükünü azalda bilər.

Leyla