Bu qayda pozuntuna görə 15 min manat cərimə oluna bilərsiniz

Sərnişin daşıyan avtobus sürücülərinin törətdiyi qəzalar barədə vaxtaşırı məlumat yayılır. Bir çox hallarda sürücünün nəqliyyat vasitəsini idarə etmək hüququ olmadığı, hətta sərxoş vəziyyətdə olduğu müəyyən olunur. Bəs görəsən qanunvericilikdə bunun cəzası necədir?

Avtosfer.az bildirir ki, İnzibati Xətalar Məcəlləsinin 337.4-cü maddəsində göstərilir ki, ümumi istifadədə olan nəqliyyat vasitəsinin sərnişin daşınması üçün belə nəqliyyat vasitəsini idarə etmək hüququ olmayan və sərxoş vəziyyətdə olan şəxsə verilməsinə görə, fiziki şəxslər altı yüz manat məbləğində, vəzifəli şəxslər min manat məbləğində, hüquqi şəxslər səkkiz min manat məbləğində cərimə edilir.

Həmçinin yol hərəkəti qaydalarının pozulması nəticəsində zərər çəkmiş şəxsin sağlamlığına yüngül bədən xəsarətinin yetirilməsinə və ya zərər çəkmiş şəxsə maddi zərər vurulmasına görə, fiziki şəxslər min manat məbləğində, vəzifəli şəxslər iki min beş yüz manat məbləğində cərimə edilir, yaxud işin hallarına görə, xətanı törədənin şəxsiyyəti nəzərə alınmaqla, bir aydan iki ayadək müddətə inzibati həbs tətbiq olunur, hüquqi şəxslər on beş min manat məbləğində cərimə edilir.

Yəni, avtobus şirkətləri sürücüləti tibbi müayinə etmədən, həmçinin sürücülük hüququ olmadan xəttə buraxarsa və nəticədə qəza baş verərsən bunun cəzası ən yaxşı halda 15 min manat cərimədir.

Orxan