Bu tuneldə diqqətli olun: 40 manat cəriməsi var - VİDEO

Paytaxtın Ziya Bünyadov prospektində yerləşən tuneldə sürücülər kütləvi şəkildə qayda pozuntusu edirlər. Belə sürücülərdən biri avtomobildəki kameraya düşüb. Qeyd edək ki, tuneldə iki zolaq daralaraq bir zolağa çevrilir. Bu vəziyyətdə trayektoriya kəsişdiyi üçün sağdakı nəqliyyat vasitəsi üstünlüyə malikdir.

“Yol hərəkəti haqqında” qanunun 42-ci maddəsinin X hissəsində qeyd olunub ki,nəqliyyat vasitələrinin hərəkət trayektoriyaları kəsişdikdə, sağ tərəfdən hərəkət edən nəqliyyat vasitəsinə üstünlük verilir. Lakin sözügedən tunledə sürücülər bu qaydaya əməl etmirlər.

Mayın 21-də, Ziya Bünyadov prospektində yerləşən tuneldə hərəkət edən 77-BC-205 qeydiyyat nişanlı “Honda” markalı avtomobilin sürücüsü trayektoriya kəsişən zaman görüntünü qeydə alan sürücüyə yol verməyib. Daha sonra isə əsəbiləşərək sağdan ötmə edib.

Qeyd edək ki, trayektoriyanın kəsişdiyi zaman sağda olan nəqliyyat vasitəsinə yol verməməyə görə 40 manat cərimə nəzərdə tutulub.

Leyla