Dairədə yol vermədən keçib təhlükə yaradan sürücü - 77-SS-176 - VİDEO

Paytaxtın Sabunçu rayonu, Maştağa qəsəbəsində qayda pozan sürücü avtomobilin kamerasına düşüb.

Avtosfer.az-ın məlumatına görə, hadisə oktyabrın 3-də saat 15:25 radələrində Əsəd Əhmədov və Mehdi Hüseynzadə küçələrinin kəsişməsində qeydə alınıb. Videodan göründüyü kimi, 77-SS-176 dövlət nömrə nişanlı “Seat Exeo” markalı avtomobilin sürücüsü yolayrıcının keçilməsi qaydasını pozub. Belə ki, o, dairə boyunca hərəkətdə olan avtomobilə yol vermədən yoluna davam edib və bu zaman görüntünü qeydə alan sürücüyə qəza vəziyyəti yaradıb.

Xatırladaq ki, “Yol hərəkəti haqqında” Qanunun 42-ci maddəsində qeyd olunur ki, dairəvi hərəkət təşkil olunmuş yolayrıcının qarşısında “4.3 – Dairəvi hərəkət” nişanı qoyulduqda, sürücülər dairə üzrə hərəkət edən nəqliyyat vasitələrinə yol verməlidirlər.

Nərmin