Dairədə yol vermədən keçib təhlükə yaratdı - VİDEO

Yol vermək istəmədi, sürüb keçdi. Avtosfer.az xəbər verir ki, həvəskar kamerasıyla çəkilmiş hadisə Yasamal rayonunun MİDA/Royal park dairəsində qeydə alınıb. Dairədən dönməyə çalışan sürücü yoluna davam etməli olduğu halda, “Nissan Micra” markalı, 90-VK-543 dövlət nömrə nişanlı avtomobilin yanlış hərəkəti ilə maşınını saxlamaq məcburiyyətində qalıb. Videodan da görünür ki, qaydalara bələd olmayan xanım sürücü sol tərəfdən gələn maşınların hərəkətinə fikir belə verməyərək, rahat formada avtomobilini idarə edib. 

Qeyd edək ki, baş vermiş qayda pozuntusu İnzibati Xətalar Məcəlləsinin 327.2 maddəsinə, əsasən 60 manat, 3 bal dəyərində cərimə ilə nəticələnir. Sükan arxasında oturarkən bir istiqamətə fokuslanmadan, dörd bir yanı kontrol etməyin vacibliyi məsələsini daim göz önündə saxlaması da sürücü xanıma kiçik məsləhətimiz olsun. Bugün qarşısına “səbrli, jest edən” sürücü çıxsa belə, gələn dəfə bu hal başqa istiqamətə, Allah qorusun qəzaya gətirib çıxara bilər.

Nərmin Əkbər