Gözləməyə səbri çatmayıb təhlükə yaradan sürücülər cərimələndi - VİDEO

Bakıda yol nişanının tələbini pozaraq təhlükə yaradan sürücülər cərimlənib. Bu barədə Avtosfer.az-a Bakı şəhər Dövlət Yol Polisi İdarəsindən məlumat verilib. Belə ki, fevralın 14-də, paytaxtın Atatürk prospektində geriyə dönən 77-DT-642 qeydiyyat nişanlı “Chevrolet” markalı və 10-EA-910 qeydiyyat nişanlı “Skoda” markalı avtomobillərin sürücüləri sağdan gələn nəqliyyat vasitəsinə yol verməyərək qaydanı pozublar.

Videogörüntü dərc edildikdən sonra yol polisi sürücülərin müəyyən olunması istiqamətində araşdırmaya başlayıb. Nəticədə məlum olub ki, 77-DT-642 qeydiyyat nişanlı “Chevrolet” markalı avtomobilin sürücüsü 2000-ci il təvəllüdlü Abbasova Aygün və 10-EA-910 qeydiyyat nişanlı “Skoda” markalı avtomobilin sürücüsü isə 1964-cü il təvəllüdlü Məmmədov Oqtaydır. Həmin sürücülər pozduqlara qaydaya görə İnzibati Xətalar Məcəlləsinin 327.2-ci maddəsilə 3 bal 60 manat məbləğində cərimə olunub.

Fərid