Hər iki sürücü qayda pozub bir-birinə təhlükə yaratdı - VİDEO

Bakıda qaydaları pozan sürücülər təhlükə ilə üzləşiblər. Avtosfer.az xəbər verir ki, hadisə paytaxtın Rəşid Behbudov küçəsində qeydə alınıb. Belə ki, avtobus zolağı ilə hərəkət edən moped sürücüsünün qarşısına qəfildən taksi sürücüsü çıxıb. 90-TO-244 qeydiyyat nişanlı “Azsamand” markalı avtomobillin sürücüsü avtobus zolağına çıxaraq moped sürücüsünə təhlükə yaradıb. Bu hadisədə hər iki sürücünün səhvi var. Qanunvericiliyə görə, avtobus zolağından yalnız ümumi istifadədə olan nəqliyyat vasitələri istifadə edə bilər. Videodan da göründüyü kimi xırda qayda pozuntusu ağır hadisələrə yol aça bilir. Ona görə də sürücülər yol hərəkəti qaydalarına ciddi şəkildə əməl etməlidirlər.

Fərid