Hərbiçinin ölümündə təqsirləndirilən “BMW X5” sürücüsünə bəraət verildi

Hərbiçinin ölümü ilə nəticələnən yol-nəqliyyat hadisəsi törətməkdə təqsirli bilinən Elnur Abdullayev və Məhəmməd Abıyevin cinayət işi üzrə məhkəmə prosesi başa çatıb. Avtosfer.az musavat.com-a istinadən xəbər verir ki, Səbail rayon Məhkəməsində keçirilən prosesdə hökm oxunub. Hökmə əsasən, M.Abıyevin əməldinə cinayət tərkibinin olmaması əsas gətirilərək barəsində bəraət hökmü çıxarılıb. E.Abdullayev isə 3 il 6 ay azadlıqdan məhrum edilib.

Qeyd edək ki, hadisə Səbail rayonu Bibiheybət yolunda baş verib. Şəhər istiqamətində hərəkət edən 1985-ci il təvəllüdlü Elnur Abdullayevin idarə etdiyi “Naz Lifan” markalı avtomobillə əks tərəfdən hərəkət edən Məhəmməd Abıyevin idarə etdiyi “BMW X5” markalı avtomobil toqquşub. Nəticədə “Naz Lifan” sərnişini olan, N saylı hərbi hissənin müddətdən artıq hərbi qulluqçusu Balarəhim Əliyev ölüb, digər sərnişini Rza Rzayev isə xəsarət alıb. Hər iki avtomobilin sürücüsü bu işlə bağlı təqsirləndirilən şəxs qismində məsuliyyətə cəlb edilib. Onlar barəsində cinayət işi başlanılıb.