"Həsən ağanın" qohumu "protiv" çıxıb təhlükə saçdı - VİDEO

Abşeronda qaydaları kobud şəkildə pozan sürücü kameraya düşüb. Avtosfer.az xəbər verir ki, Novxanı yolunda 99 OH 143 dövlət nömrə nişanlı, "Chevrolet" markalı avtomobilin sürücüsü qoşa xəttin tələbini pozaraq əks istiqamətə çıxıb. Qarşıdan gələn nəqliyyat vasitələri üçün təhlükə yaradıb. Hətta bir anlıq öz yolu ilə gələn sürücüyə qəza şəraiti yaradıb.

Qeyd edək ki, bu əməlin cəzası İnzibati Xətalar Məcəlləsinin 327.4-cü maddəsinə əsasən 4 bal və 100 manatdır. Amma təhlükəsi daha ağır nəticələrə səbəb ola bilər. Videonu təqdim edirik:

Fərid