“Kardioloji Sanatoriya”nı avtomobili ilə zəbt edən sürücü yaşlıları qəzəbləndirdi

Dayanma-durma qaydasını gözardı edən sürücü yaşlı insanların qəzəbinə tuş gəlib.
Avtosfer.az xəbər verir ki, qayda pozuntusu Sabunçu rayonunun Bilgəh qəsəbəsində qeydə alınıb. Həvəskarın kamerasına düşən fotoşəkildən bəlli olduğu kimi, 10-JS-029 dövlət nömrə nişanlı, “Niva” markalı avtomobilin sürücüsü dayanma-durma qaydasını pozub. Belə ki, sürücü insanların müalicə və istirahəti üçün nəzərdə tutulmuş “Kardioloji Sanatoriya”da yerləşən parkı avtomobili zəbt edib. Həmçinin etdiyi əməlin yanlış olduğunu bildiyi halda saatlarla maşınını burada saxlayaraq insanların narazılığına səbəb olub. Qaydalardan xəbəri olsa da, görməzdən gəlməyi seçən sürücüyə xatırladaq ki, İnzibati Xətalar Məcəlləsinin 346-cı maddəsinə əməl etmədiyi üçün 20 manat cərimə ödəməli və ən əsası bu səhvə bir daha baş vurmamağa çalışmalıdır.

Nərmin