Kürdəmirdə “Qazel” “TIR” la toqquşub - Xəsarət alanlar var - FOTO

Kürdəmir rayonunda ağır yol qəzası baş verib, xəsarət alanlar var.

Avtosfer.az "Report"a istinadən bildirir ki, hadisə Bakl-Qazax yolunun rayonun Sığırlı kəndindən keçən hissəsində qeydə alınıb.

Belə ki, "QAZel" markalı nəqliyyat vasitəsilə Gəncə istiqamətində hərəkətdə olarkən yol kənarında dayanmış "DAF" markalı "TIR"ın arxa hissəsinə çırpılıb.
Nəticədə "QAZel"də olan sürücü və sərnişinlər olmaqla 3 nəfər ağır bədən xəsarətləri alıblar.

Yaralılar dərhal təcili tibbi yardım avtomobilinin köməyi ilə Kürdəmir rayon Mərkəzi Xəstəxanasına aparılıblar və həkim nəzarətinə götürülüblər.

Hazırda faktla bağlı araşdırma aparılır.