Magistral yola "protiv" girən sürücü sürətli zolağı zəbt etdi - VİDEO

Magistral yolda öz qanunları ilə hərəkət edən sürücünün görüntüsü avtomobildəki kameraya düşüb. Avtosfer.az">Avtosfer.az xəbər verir ki, 90-GK-206 qeydiyyat nişanlı "Mercedes" markalı avtomobilin sürücüsü avqustun 6-da Bakı-Qazax yolunun Yevlax rayonu ərazisindən keçən hissəsində sola dönən zaman dairənin əks tərəfinə keçib. Eyni zamanda avtomobili əks zolağın üzərində dayandıraraq manevr qaydasını da pozub.

Qeyd edək ki, həmin sürücünün qarşısındakı yük avtomobili sola döndüyü üçün, o, adəti üzrə "tələsən sürücü" prinsipini işə salaraq hamıdan qabağa düşmək istəyib.

Xatırladaq ki, "Yol hərəkəti haqqında" qanunun 42-ci maddəsində yazılmış müddəaya görə sürücü elə dönməlidir ki, nəqliyyat vasitəsi hərəkət hissələrinin kəsişdiyi yerdən çıxarkən, qarşıdan
gələn nəqliyyatın yoluna keçməsin.

Təbriz