Manevri düzgün etməyən sürücü qəza şəraiti yaratdı: "Qanuni yol mənimdir" - VİDEO

Bakıda manevr qaydasını pozan sürücü qəza şəraiti yaradıb. Avtosfer.az xəbər verir ki, hadisə martın 13-də, paytaxtın Əcəmi Naxçıvani küçəsi ilə Atatürk prospketinin kəsişməsində baş verib. Belə ki, 99-XL-511 qeydiyyat nişanlı “Hyundai Santa fe” markalı avtomobilin sürücüsü orta zolaqdan sola dönən zaman görüntünü qeydə alan sürücüyə qəza şəraiti yaradıb. Təhlükə ilə üzləşən sürücü ona irad bildirən zaman o, “dönmə işığını yandırmışam, qanuni yol mənimdir” – deyərək özünə haqq qazandırmağa başlayıb.

“Yol hərəkəti haqqında” qanunun 42-ci maddəsində qeyd olunub ki, sağa və ya sola dönən sürücü əvvəldən kənar zolaqda yerləşməli və manevri həmin zolaqdan həyata keçirməlidir.

Könül