Məşhur prospektdə "ara işləyib" trendə düşmək istəyən gənclər - VİDEO

Bakıda manevr və ötmə qaydalarını kobud şəkildə pozan sürücünün videosu sosial şəbəkədə yayılıb. Avtosfer.az xəbər verir ki, 10-MA-982 qeydiyyat nişanlı “Opel” markalı avtomobilin sürücüsü paytaxtın Ziya Bünyadov prospektində avtomobillərin arası ilə hərəkət edərək özünü qəhrəman kimi göstərməyə çalışıb. Avtomobildə olan sərnişinlərdən biri isə həmin videonu qeydə alaraq sosial şəbəkədə paylaşıb. Bununla da trendə düşməyə çalışıblar. Lakin qeyd edək ki, bu cür hərəkətlərin sonu bir gün faciə ilə nəticələnir. Əsasən gənclər nəqliyyat vasitələrindən biri sayılan avtomobilə əyləncə kimi yanaşırlar. Bu doğru deyil. Bütün nəqliyyat vasitələrində qaydaların olduğu kimi, avtomobil yollarında hərəkət edən nəqliyyat vasitələri üçün də qaydalar müəyyən edilib. Bu qaydalara ciddi şəkildə əməl etmək lazımdır ki, mənzil başına salamat çatasan.

Könül