Milli Məclisin xidməti maşını ilə Bakıda yolu kəsdilər - VİDEO

Bakıda dayanma-durma qaydasını pozan sürücü yolda sıxlığa səbəb olub. Videogörüntü oktyabrın 8-i paytaxtın Süleyman Vəzirov küçəsində (Xətai metrosunun yanında) qeydə alınıb. Avtosfer.az xəbər verir ki, 10-AA-438 qeydiyyat nişanlı “Mercedes” markalı avtomobilin sürücüsü ikinci cərgədə parklanma edərək yolu zəbt edib.  Yolda hərəkət edən sürücülər həmin avtomobilə görə tıxacda qalıblar.

Avtosfer.az-ın əldə etdiyi məlumata görə qaydaları pozan avtomobil Milli Məclisə məxsus xidməti avtomobildir.

Qeyd edək ki, bəzən deputatlar toxunulmaz olduqlarını bildirərək inzibati məsuliyyətdən yayınmağa çalışırlar. Xatırladaq ki, qanunvericiliyə görə deputatlar törətdikləri xətalara görə inzibati məsuliyyətə cəlb oluna bilərlər.

Fərid