Nə gedənə yol verilir, nə gələnə - 60 manat 3 bal - VİDEO

Avtomobilin videoregistratorunda çəkilmiş hadisə Yasamal rayonunun MİDA/Royal park dairəsində qeydə alınıb. Dairədən dönməyə çalışan sürücü yoluna davam etməli olduğu halda, “Hyundai” markalı  99-SS-287 dövlət nömrə nişanlı avtomobilin yanlış hərəkəti ilə maşınını saxlamaq məcburiyyətində qalıb. Videodan da görünür ki, qaydalara bələd olmayan xanım sürücü sol tərəfdən gələn maşınların hərəkətinə fikir belə verməyərək, rahat formada avtomobilini idarə edib.

Avtosfer.az xəbər verir ki, qayda pozuntusu bir neçə gün sora başqa sürücülər tərəfindən də pozulub. Belə ki, dairədən dönməyə çalışan maşına “Opel” markalı 77-HJ-764 və “Mitsubishi” markalı 90-PE-995 dövlət nömrə nişanlı iki avtomobil yol verməyib.

Qeyd edək ki, baş vermiş qayda pozuntusu İnzibati Xətalar Məcəlləsinin 327.2 maddəsinə, əsasən 60 manat, 3 bal dəyərində cərimə ilə nəticələnir.

Nurlan Sakitoğlu