Neçə ilin sürücüsüdür, amma qanundan xəbəri yoxdur - VİDEO

Bakıda yol hərəkəti qaydasını pozan sürücü təhlükə yaradıb. Avtosfer.az xəbər verir ki, hadisə noyabrın 23-də, paytaxtın Bayıl qəsəbəsi, Ziya Yusifzadə küçəsində baş verib.

Belə ki, yolun kənarında park edilən 77-EK-790 qeydiyyat nişanlı "Renault" markalı avtomobilin sürücüsü qəfildən qapını açaraq avtomobildən düşüb. Bu zaman görüntünü qeydə alan sürücüyə qəza şəraiti yaradıb. Təhlükə ilə üzləşən sürücü anidən dayanaraq hadisənin qarşısını alıb.

"Yol hərəkəti haqqında" qanunun 52-ci maddəsində qeyd olunub ki, nəqliyyat vasitəsi qapılarının açılması yol hərəkətinin digər iştirakçıları üçün maneə yaradarsa, onları açmaq qadağandır. Bu qaydanın pozulmasına görə, İnzibati Xətalar Məcəlləsinin 346.1-ci maddəsilə 20 manat məbləğində cərimə nəzərdə tutulub.

Fərid