Özünə yer tapa bilməyən sürücü qaydaları pozdu - VİDEO

Bakıda qaydaları saymayan sürücü kameraya düşüb. Avtosfer.az xəbər verir ki, hadisə iyulun 24-də, paytaxtın Moskva prospektində baş verib. Belə ki, 37-BD-614 qeydiyyat nişanlı “Daewoo” markalı avtomobilin sürücüsü qarşısında sıxlıq yarandığını görən zaman sol zolağa manevr edib. Daha sonra tuneldə yenidən qarşısında avtomobillərin dayandığını görərək bütöv xəttin üzərindən manevr edərək sağ zolağa keçib. Videogörüntünün sonunda isə sıxlıqda qalmağa məcbur olub. 

Qeyd edək ki, gün ərzində belə sürücülərə tez-tez rast gəlirik. Sıxlıq zamanı qarşısında avtomobil dayanan kimi manevr etməyə boş yer axtarırlar. Bu hərəkəti etməklə vaxt qazanmağa çalışsalar da, videgörüntüdən əyani şəkildə görünür ki, sürücü 1 dəqiqə də olsun qabağa düşə bilməyib. Əksinə olaraq yenidən sıxlıqda qalası olub.

Leyla