Özünü yolun soluna atan sürücü qəza şəraiti yaratdı - VİDEO

Sürətli yolda manevr qaydasını pozan sürücü  qəza şəraiti yaradıb. Avtosfer.az xəbər verir ki, 71-BB-390 qeydiyyat nişanlı "Hyundai Sonata" markalı avtomobilin sürücüsü avqustun 5-də yanacaqdoldurma məntəqəsindən Bakı-Sumqayıt yoluna daxil olarkən sol zolaqdakı avtomobilin qarşısına çıxıb. Sürücü səs siqnalı və sərt tormoz verərək qəzanın qarşısını vaxtında ala bilib.

Əksər sürücülər bitişik ərazilərdən yola çıxarkən bir başa sol zolaqlara manevr edir. Bu isə ən təhlükəli qayda pozuntularından biri hesab olunur. Videogörüntüdən də aydın şəkildə görünür ki, sürücü yanacaqdoldurma məntəqəsindən çıxan zaman sağ zolaqla hərəkət edə bilərdi. Lakin sürücülərdə yaranmış sol zolaq sindromu onları sağ zolaqla hərəkət etməkdən çəkindirir. Nəticədə isə digər hərəkət iştirakçıları təhlükəli vəziyyətdə qalır.

Təbriz