Parklanma qaydalarının tam əksinə hərəkət edən “sürücülər” - FOTO

Yasamal Yaşayış Kompleksinin sakinləri, avtomobili olan qonşularının əlindən hərəkət edə bilmirlər.

Avtosfer.az xəbər verir ki, paytaxtın parklanma ilə bağlı problemləri bitmək bilmir. Çoxsaylı tədbirlərin görülməsinə baxmayaraq sürücülərin bəziləri şəhəri “Bağdad” özlərini isə “Kor Xəlifə” hesab edirlər. Söhbət Yasamal Yaşayış Kompleksinin ərazisində boş yerlər olduğu halda, səkidə də maşın saxlayan dırnaqarası “sürücülərdən” gedir. Heç bir halda bu hərəkətə bəraət qazandırmaq olmaz. Bu barədə saytın qaynar xəttinə izləyicilər tərəfindən çoxsaylı şikayətlər daxil olub.

Qeyd edək ki, sürücü belə hallarda İnzibati Xətalar Məcəlləsinin müvafiq maddəsinə görə məsuliyyətə cəlb edilə bilərlər.

Nurlan Sakitoğlu