Qapısı açıq vəziyyətdə sərnişinləri ölümə aparan sürücü - VİDEO

Bakıda avtobus sürücüsünün hərəkətini sərnişinlərdən biri videoya çəkərək redaksiyamızın qaynar xəttinə göndərib. Avtosfer.az xəbər verir ki, 91 saylı marşrut xətti üzrə fəaliyyət göstərən 90-LM-434 qeydiyyat nişanlı “SAZ” markalı avtobusun sürücüsü Biləcəri qəsəbəsi ərazisində qapıları açıq vəziyyətdə hərəkət edib. Sürücü sərnişinlərin etiraz etməsinə əhəmiyyət verməyərək yüksək sürətlə hərəkətini davam etdirib.

Qeyd edək ki, həmin vaxt avtobusda ayaq üstə daşınan sərnişin də olub. Sürücünün hansısa sərt manevri və ya tormozlaması nəinki ayaq üstə duran, hətta qapıya yaxın əyləşmiş sərnişinlərin də açıq qapıdan bayıra yıxılmasına gətirib çıxara bilərdi. Ona görə də “Yol hərəkəti haqqında” qanunda qapıları açıq vəziyyətdə nəqliyat vasitəsinin hərəkəti qadağan edilib.

Ümid edirik ki, həm Dövlət Yol Polisi İdarəsi, həm də Bakı Nəqliyyat Agentliyi həmin sürücünün cəzalandırılması istiqamətində işlər görəcək.

Təbriz