Qayda pozub qəzaya səbəb olan “Rolls-Royce” sürücüsü saxlanıldı – Cinayət işi açıldı - VİDEO

Yol hərəkəti qaydasını pozaraq qəzaya səbəb olan “Rolls-Royce”un sürücüsünə qarşı cinayət işi açılıb. Avtosfer.az xəbər verir ki, hadisə Rusiyanın Sankt-Peterburq şəhərindən baş verib.

Belə ki, Poqraniçnik Qarkavoqo küçəsi ilə Peterqof şossesinin kəsişməsində “Rolls-Royce Cullinan” markalı avtomobilin 37 yaşlı sürücüsü yol hərəkəti qaydalarını pozaraq dönmə əməliyyatı edib və bu zaman eyni istiqamətdə hərəkətdə olan “Harley” markalı motosiklet ona çırpılıb. Toqquşmanın təsirindən motosiklet aşıb və avtomobil asfalta çırpılan 35 yaşlı baykerin üzərindən keçib. Zərərçəkən müxtəlif bədən xəsarətləri ilə xəstəxanaya yerləşdirilib.

Lüks avtomobilin sürücüsünə qarşı Rusiya Federasiyası Cinayət Məcəlləsinin 264-cü maddəsinin 1-ci hissəsi (yol hərəkəti və nəqliyyat vasitələrinin istismarı qaydalarını pozma) ilə cinayət işi açılıb və saxlanılıb.

Namiq Musayev