Qəza şəraiti yaradıb özünü haqlı sayan sürücü kameranı görüb qaçdı - VİDEO

Bakıda qayda pozan sürücünün videosu sosial şəbəkədə yayılıb. Avtosfer.az xəbər verir ki, hadisə fevralın 22-də, paytaxtın Əhməd Rəcəbli küçəsində qeydə alınıb. Belə ki, 90-OK-910 qeydiyyat nişanlı "Honda" markalı avtomobilin sürücüsü sol zolağa yerdəyişmə edərək görüntünü qeydə alan sürücünü sıxışdırıb. Ona yol verilmədiyini görən "Honda" nın sürücüsü qəzəblənərək səs siqnalı verib. Daha sonra isə sürücüyə yaxınlaşıb "məni sıxışdırırsan" - deyərək özünü haqlı saymağa başlayıb. Görüntünü qeydə alan sürücü baş verənlərin kameraya qeyd olunduğunu dedikdən sonra o, sakit şəkildə yoluna davam edib.


Fərid