Qoşa xətti saymayıb əks yolla gedən sürücü cərimələndi - 4 bal 100 manat - VİDEO

Bakıda kobud qayda pozuntusu törədən sürücü cərimələnib. Bu barədə Avtosfer.az-a Bakı şəhər Dövlət Yol Polisi İdarəsindən məlumat verilib. Belə ki, 10-SP-057 qeydiyyat nişanlı “Toyota” markalı avtomobilin sürücüsü paytaxt küçələrinin birində qoşa xəttin tələbini pozaraq əks yola çıxıb. O, belə olmalı imiş kimi xəttin solu ilə hərəkətinə davam edib. Qarşıdan avtomobillərin gəlməsinə əhəmiyyət verməyən sürücü əks yola çıxmağı ilə təhlükə yaradıb.

Dövlət Yol Polisi qayda pozan sürücünü müəyyən edərək məsuliyyətə cəlb edib. Məlum olub ki, o, Məmmədov Əsgər Məmmədhüseyn oğludur. Törətdiyi əmələ görə İnzibati Xətalar Məcəlləsinin 327.4-cü maddəsilə 4 bal 100 mamat məbləğində cərimə edilib.



Fərid