Şəhərin mərkəzində işıqlarını söndürüb "iki təkər" gedən "avtoş" - VİDEO

Bakıda avtoxuliqanlıq edən sürücünün videosu sosial şəbəkədə yayılıb. Avtosfer.az xəbər verir ki, 90-GY-114 qeydiyyat nişanlı “VAZ 2107” markalı avtomobilin sürücüsü paytaxtın bir sıra küçə və prospektlərində avtoxuliqanlıq hərəkətləri edib. O, avtomobilin təkərlərini yer səthindən qaldıraraq qanunun tələblərini kobud şəkildə pozub. Sürücü bu hərəkəti dəfələrlə edərək digər iştirakçıların həyatını təhlükə altında qoyub.

İnzibati Xətalar Məcəlləsinin 511-ci maddəsində qeyd olunub ki, nəqliyyat vasitəsinin bir və ya daha çox təkərinin yolun səthindən qaldırmaqla idarə edilməsinə görə nəqliyyat vasitəsini idarə etmək hüququ bir il müddətinə məhdudlaşdırılmaqla beş yüz manatdan yeddi yüz əlli manatadək məbləğdə cərimə edilir və ya nəqliyyat vasitəsini idarə etmək hüququ bir il müddətinə məhdudlaşdırılmaqla işin hallarına görə, pozuntunu törədənin şəxsiyyəti nəzərə alınmaqla, on beş gündən bir ayadək müddətə inzibati həbs tətbiq olunur.

Fərid