Səkidə parklanan maşınlar piyadaların yolunu kəsib - DYP və BNA-nın NƏZƏRİNƏ - FOTO

Bakıda səkini zəbt edən sürücülər piyadaların hərəkətini məhdudlaşdırır. Koroğlu Rəhimov küçəsinin sakinləri bu məsələ ilə bağlı redaksiyamıza çoxsaylı müraciət ünvanlayıb. Avtosfer.az">Avtosfer.az xəbər verir ki, sözügedən küçədə ("Grandmart"ın qarşısında) əksər sürücülər yolun kənarında dayanmağa yer tapmadıqları üçün maşını avtobus dayanacağının arxasından səkiyə qaldıraraq orada park edirlər. Sakinlər bildirir ki, həmin sürücülərə qarşı heç kim mübarizə aparmır. Şəhərin digər yerlərində Dövlət Yol Polisi və Bakı Nəqliyyat Agentliyinin əməkdaşları parklanmaya nəzarət etsə də, bu küçədəki problem onların nəzarətindən kənarda qalıb.

Ümid edirik ki, hər iki qurum piyadaların rahat və təhlükəsiz hərəkətinin təmin edilməsi üçün sözügedən küçəyə mütəmadi nəzarət edilməsini təmin edəcək.

Təbriz