Sərnişini yolun ortasında düşürən avtobus sürücüsü ölüm təhlükəsi yaratdı - VİDEO

Avtobus sürücüsünün törətdiyi qayda pozuntusu digər sürücüyə təhlükəli anlar yaşadıb. Avtosfer.az xəbər verir ki, hadisə sentyabrın 23-də, paytaxtda baş verib. Belə ki, marşrut avtobusunun sürücüsü sərnişini düz yolun ortasında düşürərək arxadan gələn avtomobillərə təhlükə yaradıb. Görüntünü qeydə alan sürücü təhlükəsizlik tədbirlərini vaxtında gördüyü üçün qəzadan yayına bilib.
Bu qayda pozuntusunu törədən sürücülər üçün qanunvericilikdə məsuliyyət tədbirləri də nəzərdə tutulub.
İnzibati Xətalar Məcəlləsinin 346.3-cü maddəsində qeyd olunub ki, ümumi istifadədə olan nəqliyyat vasitəsini sərnişinləri mindirmək və ya düşürtmək üçün bu məqsədlə xüsusi olaraq müəyyən edilmiş dayanacaq meydançalarından və ya 5.12, 5.13 nişanları ilə işarələnmiş dayanacaq yerlərindən kənarda dayandırmağa görə - yüz manat məbləğində cərimə nəzərdə tutulub.


Leyla